Сэтгэл судлалын блог
2009-10-20
МОНГОЛЧУУДЫН СЭТГЭЛ ЗҮЙН ШИНЖ
Ер нь хүмүүс сэтгэл зүйн хувьд яагаад өөр өөр байдаг юм бэ? Үүнд бүр МЭӨ үеэс эрдэмтэд судалгаа хийж танин мэдэхийг хүссээр өнөөг хүрчээ. Гэхдээ хүний сэтгэл зүйн талаар 100 хувийн үнэн дүгнэлт, гаргалгаа хийнэ гэдэг хэцүү. Хүмүүсийн сэтгэл зүйн ялгааны талаар анх Грекийн эмч Гиппократ хүний зан төлөвийн үндсэн шинжүүдийг хүний бие дэх шингэний зохицуулгаар тайлбарлан тодорхойлсон байдаг. Хүний биед эдгээрээс хамгийн их байгаа шингэнээр нь тайлбарлах оролдлого хийж байжээ.

Энэ ангилалад нэгэн сонирхолтой зүйл тусгагддаг. Холерикийг Монголчууд цөс нь хөөрсөн үгүй мөн омголон хүүхэд шүү гэж хэлдэг, сангвиникийг нүүрэндээ галтай нүдэндээ цогтой сайн хүү байна ч гэж хэлдэг. Меланхолекийг манай энэ сулбагар хүүхэд, хүү гэдэг бол флегматикийг манай хүн ч буурь суурь заагаад, тайван шүү гэж хэлдэг нь сэтгэл зүйн мэдлэг, ухаан өндөр байсныг харуулдаг. Монголчуудын хэрэглэж байсан эдгээр зүйрлэл нь сэтгэл зүйн шинж болох зан үйлийг эрт дээр үед ч гэсэн хэлж байсан нь гайхалтай. Гиппократын энэ ангилал өнөөг хүртэл хэрэглэгдэж байгаа юм. Түүнээс гадна хүний темпераментийг мэдрэмжийн ба үйл ажиллагааны гэж үндсэн хоёр хэсэгт хуваан сангвиник, холерик, флегматик, меланхолик гэсэн дөрвөн хэв шинжид хуваасан байдаг. Темперамент нь зан төлөв бүрэлдэхэд нөлөөлөх ба тэр нь бие махбодын шинж байдлаас бус оюунлаг шинж чанарыг илэрхийлж байдаг. Гэхдээ дан ганц “нэг темперамент” хүнд зонхилдоггүй. Дөрвүүлээ хоршин байгаа гэдгийг та санаарай. Бидний мэдэж байгаараа гэр бүлийн хосууд нэг темпераменттай байх нь ховор бөгөөд нэг болон ижил төстэй зан араншинтай хүмүүсийн хамтран ажиллах чадвар ч гэсэн сул байдаг гэдгийг амьдралын туршлага харуулдаг. Тийм ч учраас өөр болон эсрэг тэсрэг хоёр зан араншинтай хүмүүс хамгийн сайн зохицдог. Та өөрийгөө болон хамгийн дотны хүмүүсээ эдгээр темпераментуудын аль вэ гэдгийг тунгаан бодоорой.

1.Сангвиник:
Сайн тал нь нийтэч, эвсэг, цайлган, авхаалжтай, шинэ зүйл рүү тэмүүлдэг. Удаан хугацаагаар оюуны болон биеийн хөдөлмөр хийх чадвартай. Мэдээллийг түргэн хүлээн авч ойлгодог. Ямар нэг зүйлд дасан зохицохдоо амархан. Хүмүүстэй хэл амаа амархан ололцдог.

2.Флегматик: Сайн тал нь тэсвэр, тэвчээртэй, хүлээцтэй, буурь суурьтай, юмыг гүнзгий боддог, ойлгож тогтоосон зүйлээ мартдаггүй, хэвшмэл амьдралд дуртай, бодлоготой.

3.Холерик: Сайн тал нь тэсвэр тэвчээр сайн, түргэн авхаалжтай, шударга, сэтгэлийн хөдөлгөөнтэй, темп сайн, эрч хүчээ дайчлан хийдэг, дайчин, тууштай. Сул тал нь шаралхуу, эв дүй олохдоо муу, харилцаанд нөхцөл байдалд амархан зохицдоггүй, зөрүүд, өөрийнхөөрөө, эв хавгүй, дээрэлхүү, түрэмгий, зальтай.

4.Меланхолик: Сайн тал нь хариуцлагтай, нямбай, цэвэрч, үерхэл нөхөрлөл, хайр дурлалд үнэнч. Сул тал нь зөөлөн, намуун, эмзэг, өрөвчхөн, уярамтгай, дуулгавартай, гутрамтгай, аймхай, хулчгар, өвчин зовлонд эмзэг.

Монголучуудын хувьд 2, 3 дахь темперамент давамгайлдаг. Та ингээд өөрийнхөө сэтгэл зүйг танин мэддэг боллоо. Өөртөө итгэлтэй, өөдрөг байгаарай.


 

Comments

2012-01-04 - hugjiltemaa

Бичсэн: mogolooo

гоё шүү

. Шууд холбоос


2011-02-12 -

Бичсэн: Zurai

Өөрөөр хэлбэл дотогшоо болон гадагшаа гсн үг үү?

. Шууд холбоос


2011-02-11 -

Бичсэн: dadido

Энэ 4 өөс өөр интроверт, экстроверт гэж хуваадаг санагдаж байна.

. Шууд холбоос


2011-02-11 - Асуулт

Бичсэн: М (зочин)

Монгол хүний сэтгэлгээний онцлог шинж чанар нь юундаа бна гэж боддог вэ? энэ талаар хэлж өгч чадах уу?

. Шууд холбоос


2010-07-26 -

Бичсэн: Zurai

Uugantsetseg: Таны блог ямар нэртэйн?

. Шууд холбоос


2010-07-22 -

Бичсэн: huslen

минийх бас холерик давамгай сангвиник байсан гоё шүү

. Шууд холбоос


2010-04-22 -

Бичсэн: Zurai

анх 2-р курст байхдаа темпраментаа тестээр үзэхэд хлорик давамгай сангвиник байсын, тэгсэн өнгөрсөн намар ахиад шалгасан чинь миланхолик давамгай хлорик болцон байна лээ. 7 жилийн хугацаанд ингэж өөрчлөгддөг л юм байх даа эргэлзэх

. Шууд холбоос


2009-11-06 -

Бичсэн: DESI

Темпраментүүдийн дээрхи 4-н хэв шинж 4-үүлээ хүнд байдаг харин түүнээс 1-2 нь илүү давамгайлсан байдаг энэ хоёр хосолмол шинж нь хүнийг ямар темпраментийн хүн бэ гэдэгыг тодорхойлдог,Миний ажигласанаар ижилхэн темпраменттай хүмүүс хоорондоо гэр бүл болж ердоо тохирдгүүм байна лээ, Гэхдээ өнгөний болон хэлбэрийн сэтгэлзүйд дээрхи бүх темпраменттэй хүмүүсийн үзүүлж байгаа хариу үйлдэл яг адилхан байдаг нь их сонин үүнийг сэтгэл зүйд ердөө тайлбар өгч чадахгүй л байгаам даа,

. Шууд холбоос


Сүүлийн бичлэгүүд

. Найз Бүсгүйчүүдээ Ялгаж Сур!!!!
. (гарчиггүй)
. Cтрессээс хамгаалах аргууд
. МОНГОЛЧУУДЫН СЭТГЭЛ ЗҮЙН ШИНЖ
. БИДНИЙ СЭТГЭЛ ЗҮЙН ДҮР
. Сэтгэлийн хөдөлгөөн
. ХАЙРЫН ХЭЛ ГЭЖ
. ХУВЦАСГҮЙ СЭТГЭЛ
. САЙХАН ЮМ ЮУ БАЙНА? СЭТГЭЛ ЗҮЙН АСУУЛГА
. Та “БИ ЧАМД ХАЙРТАЙ” гэж хэдэн орны хэлээр хэлж чадах вэ?
. Тоон зурхай
. Эрэгтэй эмэгтэй хүмүүс жирийн найзууд байна гэдэг?
. Нэрийн хуудас хэрэглэх соёл
. Хэрхэн ухаалаг бөгөөд хурдан сэтгэдэг болох вэ?
. Сэтгэл судлалын түүхэн үе шат

Холбоосууд

. Нүүр хуудас
. Танилцуулга
. Архив
. Email Me
. RSS тандагч

Найзууд

. DESI
. dadido
. gereltuya
. director
. Zurai
. Энхмандах

Бичлэг: 4 » Нийт: 16
Өмнөх | Дараагийн





:-)
 
xaax