Сэтгэл судлалын блог
2009-10-22
Өнөө цагт бид улам том байшинтай хэрнээ жижиг гэр бүлтэй, илүү тав тухтай боловч амрах цаг зав багатай, олон эрдмийн зэрэг цолтой боловч наад захын мэдлэггүй, өргөн мэдлэгтэй боловч бага бодолтой, олон экспертүүдтэй боловч олон асуудлуудтай, илүү анагаах ухаанжиж байгаа боловч илүү их өвчин зовлонтой болжээ. Бид аливаад хөнгөн хуумгай хандаж, бага инээж, хурдтай давхиж, түргэн уурлаж, оройтож унтаж, өглөө босохдоо ядарсан сэрж, бага уншиж, зурагт их үзэж, бурханд цөөн залбирах юм. Өөрийгөө хүрээлэх эд хогшлоо нэмэгдүүлэх хэрнээ үнэт зүйлсээ бууруулж, их ярьж, бага хайрлаж, худал хэлэх нь олширчээ. Яаж амьдрахыг судалдаг хэрнээ амьдралыг судалдаггүй, он жилүүдээ амьдралд зориулах хэрнээ амьдралаа он жилүүдэд зориулдаггүй, их үрж, бага бүтээж; худалдан авах зүйлс олширсон ч, түүнээсээ авах ханамж багасчээ. Саран дээр хүртэл очиж чадаж байгаа хэрнээ эсрэг гудамжиндаа байх хөршийнхөөрөө очиж чаддаггүй, гадаад ертөнцийг эзэмшиж чадсан хэрнээ дотоод ертөнцөө эзэмдэж чаддаггүй, атомыг задалж чадсан хэрнээ, мухар заншлаа задалж чадаагүй л байна. Их бичдэг хэрнээ бага судалдаг, их төлөвлөх хэрнээ түүнийгээ биелүүлдэггүй, яарч адгаж чаддаг хэрнээ хүлээж чаддаггүй, орлого нэмэгдэхийн хэрээр ёс суртахууны дутагдалд орж, мэдээллийг хадгалах, олон хувь тараах гэж өчнөөн компьютер үйлдвэрлэх тусам хүн хоорондын харилцаа багасаж, Чанарт биш, тоо хэмжээнд анхаарах нь ихэсчээ. Түргэн хоол нэмэгдсэн ч шингэлт нь удааширч, бие өсөх болсон ч ухаан богиносч, ашиг орлого зузаарсан ч харилцаа гүехэн болж, зав чөлөө ихтэй ч баясаж цэнгэх нь бага, Олон нэр төрлийн хоолтой ч тэжээл болох нь бага, Хоёр орлоготой ч салах нь их, Гоёмсог байшинд амьдардаг ч гэр бүлийн амьдрал муудаж хэврэгшсэн болжээ. Чухам ийм учраас, өнөөдөр, би танд “Ямар нэгэн чухал хэрэгцээ гарахаар нь хэрэглэнэ гэж битгий хадгалаарай” гэж хэлэхийг зорьсон юм. Учир нь таны амьдралын өдөр бүхэн чинь чухал юм шүү. Мэдлэгийг эрж хай, их унш, өөрийнхөө өөдөөс харж суугаад хэрэгцээндээ санаа зовдог байдлаасаа сал. Гэр бүл, найз нөхөдтэйгээ хамт байх цагийг өөрөөсөө бүү харамла. Дуртай хоолоо ид, очихыг хүсдэг газраа оч. Амьдрал гэдэг бол аз жаргалтай мөчүүдийн хэлхээс болохоос амьд явах гэсэн тэмцэл биш юм. Болор хундагаа хагалчих вий гэж эмээлгүй хэрэглэ. Үнэтэй үнэртэй усаа дуусчих вий гэж айлгүй цац. Хэрэглэмээр санагдсан үедээ хүссэн зүйлээ хэрэглэж бай. Үгсийн сангаасаа “Аль нэг өдөр”, “Заримдаа” гэсэн үгсийг хасаж хаяцгаая. Найз нөхөд, гэр бүлийнхэндээ хичнээн хайртайгаа илэрхийлцгээе. Амьдралд инээд хөөр, баяр баясгалан нэмдэг зүйлсээ хойшлуулахаа больцгооё. Өдөр бүр, цаг бүр, мөч бүр чухал. Магадгүй таны сүүлчийнх байхыг хэн ч мэдэхгүй. Хэрэв та энэ линкийг дотны хүмүүстээ явуулах ч завгүй байгаа бол, хэрэв “Аль нэг өдөр” явуулчихна даа гэж бодож байгаа бол... Таны бодоод байгаа “аль нэг өдөр” та байхгүй болчихсон байвал яана аа... гэж нэг бодож үзээрэй.
http://secondlife.blogs.com/photos/nwn/dream_of_fields_12.jpg

http://gallery.tuulant.com/data/media/180/Just_a_Dream.jpg








Comments

2011-02-19 - Гарчиггүй сэтгэгдэл

Бичсэн: Мөндэ (зочин)

Энгийн атлаа бидний анзаарах завгүй яваа зүйлсийгс сонирхолтой бичжээ. гоё шүү

. Шууд холбоос


2010-09-26 -

Бичсэн: Songinohon

Goy bichje,uuniig unshaad ooriinho hairtai buh humuusiig sanachihlaa. Neere l tm shu de amidral gdg bl az jargal helhsen mochuud... Ongorson zuils ongorsondo uldene. Ayushaa bi chamd mash ih hairtai,minii hairiig iim ih tatsan hun ni gantshan chi min. Itgeliig min bitgii aldaarai хайртай

. Шууд холбоос


2010-09-22 -

Бичсэн: upshot_gp

таалагдаж байна. хүний мөн чанар л тэр шүү дээ

. Шууд холбоос


2009-11-06 -

Бичсэн: DESI

ynen ynen gehdee hyn ooriinhoo l burhan shyy dee etsesiin etsest

. Шууд холбоос


2009-11-03 -

Бичсэн: Зэрэглээ

sain bodson bichsen bn

. Шууд холбоос


Сүүлийн бичлэгүүд

. Найз Бүсгүйчүүдээ Ялгаж Сур!!!!
. (гарчиггүй)
. Cтрессээс хамгаалах аргууд
. МОНГОЛЧУУДЫН СЭТГЭЛ ЗҮЙН ШИНЖ
. БИДНИЙ СЭТГЭЛ ЗҮЙН ДҮР
. Сэтгэлийн хөдөлгөөн
. ХАЙРЫН ХЭЛ ГЭЖ
. ХУВЦАСГҮЙ СЭТГЭЛ
. САЙХАН ЮМ ЮУ БАЙНА? СЭТГЭЛ ЗҮЙН АСУУЛГА
. Та “БИ ЧАМД ХАЙРТАЙ” гэж хэдэн орны хэлээр хэлж чадах вэ?
. Тоон зурхай
. Эрэгтэй эмэгтэй хүмүүс жирийн найзууд байна гэдэг?
. Нэрийн хуудас хэрэглэх соёл
. Хэрхэн ухаалаг бөгөөд хурдан сэтгэдэг болох вэ?
. Сэтгэл судлалын түүхэн үе шат

Холбоосууд

. Нүүр хуудас
. Танилцуулга
. Архив
. Email Me
. RSS тандагч

Найзууд

. DESI
. dadido
. gereltuya
. director
. Zurai
. Энхмандах

Бичлэг: 2 » Нийт: 16
Өмнөх | Дараагийн





:-)
 
xaax